Тевдовски предлага данок од 18 отсто за приход над 1000 евра

Министерот за финансии Драган Тевдовски изјави денеска дека од април ќе започне дебатата за воведување прогресивно оданочување со кое се предвидува за секој приход остварен над границата од илјада евра да се плаќа данок од 18 проценти. Според Тевдовски, приход од над илјада евра во Македонија остваруваат околу два отсто од граѓаните.

Тој на форумот „Македонската економија меѓу визија и дилема“ посочи дека данокот на доход на приход до илјада евра ќе остане ист, односно 10 отсто.

Translate »