Вероника Станоевска: Балетот е мојата љубов
Ја гледавме на Охридско лето , а сега, конечно, ја ,,уловивме,, и седнавме на кафе со неа. Младата Вероника Станоевска е иста како на сцена. Таа е темпераментна, емотивна, динамична и секогаш во брзање. Талентирана балерина, но во исто време и првенец во средното медицинско училиште „Др.Панче Караѓозов“,и е трета година. Кога ја прашавме има ли време за себе, ако се земе предвид дека буквално е растргната меѓу балетот и училиштето, таа со насмевка ни кажа: Некој типка на телефонот, некој игра игрици на компјутер, а јас, јас ….танцувам !
Radar.mk ви ја преставува убавата и талентирана Вероника Станоевска.
Како и кога се заинтересира за балетот?
-Имав 4 години кога ја видов рекламата на телевизија за “Лебедово езеро”. Отидовме на претставата и веднаш и реков на мајка ми :” Морам да бидам балeрина! ” Моите одвај успеаја да ме запишат бидејќи примаа деца од д 6 – 7 години, кои веќе тргнале на училиште. Почнав во ” Илија Николовски Луј” , во предшколската група, потоа завршив основно, па ,,нижа,, и кога требаше да одам во средно , се откажав поради проблеми со колената. Ми рекоа дека не смеам професионално да се занимавам со балет и продолжив приватно. Во “АРТ” балет бев 3 години, а сега сум во студио” Балерина”.
Ангажирана си во МОБ, вежбаш, настапуваш, а во исто време одиш и во средното медицинско училиште. Како успеваш? Одат ли медицината и балетот заедно?
– Вежбам 4 до 5 пати неделно, во зависност од времето и околностите . Балетот е уметност која многу бара , но воедно е и прекрасна . Физички е напорно, со сите тие тренинзи и кондициони вежбања, а и психички е напорно. Некогаш од клиника се враќам изморена и треба да ја играм ,,Кармен,, а на сцена важно е да сум весела, треба да флертувам со двајца- тројца од колегите, таква е улогата. Не ми е лесно, бидејќи секоја улога бара емоција и соживување со ликот. Сепак, во мојот случај , медицината и балетот се вклопија перфектно. Успеав да најдам еден НЗС за се!
Таква сум, кај мене не можеше да биде само една работа, мораа да бидат две, и медицината и балетот, во моето семејство нема ниту медицинари , ниту уметници.
Кои се твоите сегашни ангажмани ?
– Моментално сум поканета да соработувам со Наташа Поплавска, режисерката на ” Чикаго” мјузиклот. Ме викнаа на аудиција за најновиот проект , мјузиклот “Мама Миа” . Имавме неколку проби , но ќе видиме. Свесна сум дека тој ангажман ќе биде многу напорен,што значи дека медицината ќе страда. Тоа се часови и часови проба во МНТ, не знам, останува на времето да покаже. Се подготвувам и за “Скопје Опен” во средината на ноември.
Што преферираш, класичен или модерен балет?
-Многу сакам класика, потоа џез- балет. Тоа е нешто ново, една нова дисциплина која во Македонија не е току распространета. Пред 3-4 месеци , студиото ” Балерина” имаше изведба на мјузиклот ” Сите сакаат да бидат мачки”, направена токму во тој џез- фазон. Излезе супер.
Која улога ти е најомилена?
-Кармен, без размислување! Го сакам тој темперамент. Но, во принцип, сакам се да играм. Карактерниот балет, исто така, многу ми се допаѓа, токму тоа го избрав за настапот за Охридско лето, каде настапував на покана на Дејан Лилиќ, кој ,патем речено, е
мој идол.
Твоите планови за иднина се…
-Моите првични планови беа да се запишам ПМФ – биологија, но како одат работите, особено овој период кога добив многу понуди, можеби ќе отидам на Академија за драмски уметности, ама не ви откривам се, нема да ви бидам интересна.