Илчо Ѓорѓиевски, 5 работи кои би ги сменил

Оние кои го познаваат претседателот на Фудбалската федерација на Македонија, г. Илчо Ѓорѓиевски знаат дека фудбалот е неговиот живот. Човек кој имаше храброст да ги издржи сите негативни критики за лошите резултати на А репрезентацијата, не престанувајќи напорно да работи. Најзаслужен за добиената можност и организација на мега спектаклот Скопје Супер Куп 2017, и можноста во живо да гледаме клубови како Реал Мадрид и Манчестер Јунајтед. Фокусиран на развој на младинскиот фудбал, и подобрување на инфрасткуктурата, што влијаеше младата У21 репрезентација да се пласира на Европско првенство во фудбал.  Човек кој знае дека фудбалски чуда не се случуваат преку ноќ, и дека за се треба време, а некогаш и многу среќа. Редакцијата на Радар.мк, го праша Ѓоргиевски кои пет работи би ги сменил кога би имал можност

-Играта и резултатите на А Фудбалската репрезентација од последните 4 натпревари да беа на почеток на овој циклус квалификациски циклус, така да продолжевме, и да бевме најмалку втори во групата

– Би сакал да имаме повеќе спортско трпение. Дури и кога имаме лоши спорстки резултати да покажеме почит и љубов кон својата екипа и земја

– Македонија да биде меѓу првите 20, 30 земји на ФИФА ранкинг листата

-Што повеќе деца да спортуваат, не само фудбал, туку и други спортови, бидејќи спортот е, вистинскиот пат за развој на една здрава личност, која во иднина може да се носи со сите предизвици

-Малку повеќе спортска среќа, и не секогаш да одиме по потешкиот пат