Избрани најдосетливите твитерџии

Викендов МКЦ беше преполно со највлијателните и најпознатите твитерџии и блогери, а собрани со една цел: да ги прогласат и наградат оние најдосетливите, најзабавните и највлијателните твитови кои на позитивен начин ја брануваа Твитер заедницата во годината која изминува.

Македонски Телеком препознавајќи ја оваа церемонија како блиска до себе и како настан кој афирмира позитивни примери го поддржа и оваа година неговото шесто издание.

„Велат некои работи стануваат здодевни кога ќе прераснат во обврска. Веќе никој не зборува дали ќе има #твитернагради сега веќе од година во година е прашање само кога и каде ќе се одржат. И иако навидум изгледа на крајно „несериозен“ настан сепак во позадина мора да признам дека има сериозни подготовки секоја година и заради тоа мора да им се заблагодарам на сите во тимот на #твитернагради што овозможуваат овој настан од година во година да биде местото каде ќе се собере „кремот“ на интернет просторот. Ова кремот не е џабе во наводници. И сега ако ме праша некој дали оваа обврска ми стана здодевна? Нормално дека не. И се радувам дека и оваа година ќе имаме одличен настан кој се враќа во просториите на Кино Фросина во МКЦ. Спонзорите повторно излегоа во пресрет и помогнаа повторно овој настан да се случи и ќе речам дека имавме вистинско шоу на 16ти декември во сабота“ – изјави Јован Димитров, главен организатор на оваа церемонија.

Годинава најдобрите беа наградени во 30 различни категории. Во изминатиот период за нив можеа да гласаат сите кои имаат свој блог или твитер профил.

 

 

Translate »