Како влијае музиката на мозокот?

Во болница во Њујорк, Бронкс, некаде кон крајот на 1960-тите, сериозно болен пациент кој поради мозочен удар ја оштетил моќта на говорот се опоравувал веќе две години. Докторите кои го лекувале откриле дека неговата повреда била доживотна, се до еден ден, кога неговата докторка забележала дека тој пее. Болничкиот персонал кој се грижел за пацентот не бил свесен за пеењето на пациентот.

Тој се тресеше додека ги кажуваше зборовите, но тоа беше драстично подобрување рекла лекарката Мери Шалом

Лекарот кој го слушнал, од тогаш неколку пати неделно, влегувал во неговата соба и пеел со него. Лекарката дури и нашла една детска усна хармоника која помогнала во оваа необична терапија. По неколкумесечни интензивни вежби, човекот знаел да ја пее поголемиот дел од песната, а наскоро целосната моќ на говорот се вратила. 

Иако се уште не е утврден  точниот механизам во мозокот кој придонесува за ова подобрување, студијата покажала дека интензивното слушање музика може значително да ги зголеми шансите за когнитивно опоравување и промени во расположението кај луѓето кои преживеале мозочен удар. Расположението е подеднакво важно како и враќањето на когнитивните способности, бидејќи ја елиминира можноста за паѓање во депресија, што е многу честа кај пациенти подложени на долг процес на опоравување. Слушањето музика има и други позитивни ефекти. Ова го покажа студијата спроведена на Универзитетот во Барселона. Според неговите резултати, слушањето музика го подобрува закрепнувањето и координацијата на горните екстремитети. Ефектот е подобар кога музиката се слуша, се игра или се пее во група.