Дигитализацијата на бизнисите го осигурува учеството во пазарниот натпревар, без оглед дали се работи за мали, средни или големи претпријатија.
Човековата интеграција со технологијата од ден на ден постојано се зголемува и усовршува. Категориите на постоење во општеството несомнено се менуваат, а тоа е предизвикано токму од оваа интеграција – од секојдневните активности кои се извршуваат на персоналниот компјутер, па сѐ до научните достигнувања кои овозможуваат да се размислува за колонизација на Марс. Оваа континуирана технолошка еволуција наложува динамично и креативно делување во рамките на бизнис секторот, за да може во него да се напредува, а и општо да се остане конкурентен на домашниот и светскиот пазар.
Достигнувањата на современата технологија овозможуваат распределување на работната сила помеѓу технологијата и човекот, индивидуата и светот, намалувајќи го постојано јазот на она што е возможно и она што е невозможно. Сегашноста е дигитална, а иднината никого не чека, особено кога таа се стреми кон глобална унификација на технолошкото поле. Иновациите во сферата на информациските и комуникациските технологии несомнено ја менуваат економијата и начините на кои се формираат и изведуваат бизнис стратегиите.
Технолошката конвергенција на електронски и дигитални продукти овозможува поедноставување на работниот процес во секоја индустрија, односно во најразлични видови на претпријатија – од шпедиции и банки до приватни стоматолошки ординации. Дигитализацијата на бизнисите го осигурува учеството во пазарниот натпревар, без оглед дали се работи за мали, средни или големи претпријатија. Услугите во информациските и комуникациските технологии кои ги нудат компаниите како Македонски Телеком создаваат поле за иновативни дигитални решенија во корист на подобрувањето на работните процеси и можности во секакви индустрии, за најразлични бизниси.
Брзината, контролата на информациите и достапноста до нив, овозможени од денешната технологија покажуваат зголемување на продуктивноста, но не на штета на квалитетот на производот кој се пласира на пазарот. Напротив, воведувањето на соодветната технологија во рамките на претпријатијата ја зголемува регулацијата на квалитетот на производите, од самиот процес на произведување до логистичките процеси кои го носат готовиот производ безбедно до потрошувачот. Но, оперативните бенефити од дигитализацијата во рамките на еден бизнис се наоѓаат пред сè во различните можности за поврзување и колаборација помеѓу вработените. Софтверските решенија како Pantheon Cloud ги покриваат сите аспекти на еден бизнис: од нарачки и фактурирање, сметководство и плати, до управување со производството и деловна аналитика. Брзото и безбедно споделување на информации кои се временски осетливи, групната пристапност до важна документација, како и дигитални потписи достапни преку мобилен уред драматично го менуваат начинот на кој може да функционира ефективно една компанија. Со промовирањето на решенија како Виртуелен диск бизнисите можат да имаат пристап до нивните документи во секое време, од било кое место во светот, а алатките како Дигитални сертификати и Временски печат ја зголемија безбедноста и интегритетот на електронските документи.
Современите технолошки напредоци дозволуваат овој тип на услуги да се делегираат надвор од рамките на самиот бизнис, што овозможува трошоците за самиот процес на дигитализација да не добијат астрономски размери. Глобалниот интерес за овие технологии значи дека тие се постојано во подем, што може да наложи и значителни инвестиции кои помали бизниси не можат да си ги дозволат. Поради тоа, „аутсорсингот” кај компании како Телеком, кои обезбедуваат иновативни услуги во користењето на информациските и комуникациските технологии, може да се покаже како дофатлива и безбедна инвестиција на краток и на долг рок. Впрочем, технолошкиот идеал за високо функционална и организирана бизнис средина се базира на концептите за делегација на работните процеси, независна од просторот, виртуелна, но колаборативна.
Безграничниот простор на интернетот веќе во минатиот век предизвика разновидни комплексни промени во начинот на кој човекот опстојува во општеството, бизнисот, па дури и политиката и уметноста. Но, она што досега било една нејасна и непредвидлива сила на технологијата во овие сектори, сега станува ефективна и конкретна моќ за водење на сопствениот бизнис.
Овозможувањето на непрекинат пристап до безбедни линии на комуникација и до дата центри во кои информацијата се складира во посебна хардверска инфраструктура е еден од доминантните чекори во модернизирањето на работата на една компанија. Дотолку повеќе, тоа е еден смел потег кон интегрирањето на бизнисот во технолошката иднина на човештвото.
