Во Германија живеат 222.000 луѓе од Македонија, само лани заминале 53.000

За само две години, 85.000 македонски граѓани заминале во Германија, односно земјата за две години изгубила 4,6 отсто од резидентното население

Во Германија живеат 222.000 луѓе од Македонија, покажува истражувањето на Институтот за јавна политика „Арбен Џафери“, кое се повикува на последниот попис на населението во Германија (2022). Од оваа бројка, 158.000 биле родени во Северна Македонија, се вели во истражувањето.

„Од 2020 до 2022 година, бројот на граѓани со потекло од Северна Македонија е зголемен за 44 отсто, од 154.000 на 222.000. Околу 32.000 граѓани на Северна Македонија заминале во Германија во 2021 година, а уште 53.000 во 2022 година“, се вели во истражувањето.

Така, за само две години, 85.000 македонски граѓани заминале во Германија, односно земјата за две години изгубила 4,6 отсто од резидентното население поради масовното иселување во Германија. оценува ИПП „Арбен Џафери“.

Izvor Nezavisen.mk