Финските истражувачи имаат добар предлог за зачувување на топ форма и без активно вежбање

Не се чувствувате дека сте во форма да вежбате? Опуштете се финските истражувачи имаат добар предлог за зачувување на топ форма и без активно вежбање. Тие тврдат дека половина час во сауна е добро за срцето исто како што е кардио тренингот.

Со новите анализи научници викаат дека сега знаат што се случува со нашето тело после потење во сауна за триесет минути.

„Промените во виталните параметри при користење на сауна одговараат на умерен тренинг.“

Научниците од Универзитетот во Источна Финска го посветија своето време во истражување на здравствените бенефити од едно од најстарите обичаи оживеани во денешно време – користење на сауна. Неспорно е дека тие се многу. Претходно истражување покажало дека пациенти кои одат во сауна го намалуваат ризикот од кардиоваскуларни болести, Алцхајмер, деменција, ненадејна срцева смрт.

Истиот истражувачки тим од Финска спроведе експеримент, испраќајќи вкупно 102 волонтери во сауни, каде што температурата беше 73°C. Просечната возраст на овие лица била 52 години, и сите овие лица имале барем по еден фактор на ризик за развој на кардио васкуларно заболување.

Сите лица пред да влезат во сауна биле контролирани и им бил измерен крвен притисок, телесна температура, и пулс. Истите параметри биле следени и веднаш после користење на сауна. Притисокот им бил понизок а работата на срцето се движела со промени кои се исти како при правење на вежби при умерен тренинг.

Фреквенција од два-три пати неделно е доволна

Норвешкиот партнер на ScienceNordic претходно ја има разработувано оваа тема во која се истакнати предностите на сауната.

Фински истражувачи беа темелни во една студија од 2015 година, кога тие проценувале кои се бенефитите на користење сауна 2-3 пати неделно и какви се ефектите за намалување на смртноста кај машки индивидуи.

Целта на ова истражување било да се види дали има разлика во стапката на смртност помеѓу две групи на мажи:

• Kај оние кои користеле редовно сауна.
• Оние кои користеле сауна повремено.

Во 1980-тите, 2.315 фински мажи биле испрашувани за нивните навики во сауна. Потоа, 21 година подоцна, тие следеле кои од испитаниците се уште живи и кои не. Според анализите имало повеќе смртни случаи кај оние кои не користеле редовно сауна, одколку кај тие што користеле 2-3 пати неделно. Оние што користеле сауна четири до седум пати неделно имале дури и помали шанси за умирање во овој период после 21 година.

Здравствените бенефити кои ги добиле испитаниците не биле ограничени само на заштита од ненадејна смрт и срцев удар, туку овие корисници на сауна на тој начин го намалиле ризикот од смрт од други причини.

Уредникот на JAMA Internal Medicine, кој го објави написот во 2015 година, сугерира дека сауните можат да го подобруваат здравјето не само заради овие причини, туку и заради тоа што корисниците се релаксираат во топлина и често се во добра компанија.

НЕ за сауна кај луѓе со проблеми со срцето

Луѓето со срцеви заболувања се препорачува да се воздржат од користење на сауни. Иако сега има некои истражувања за тоа како да се направи тоа кај луѓе кои имаат мали проблеми со срце. Постои големо НЕ за користење на сауна кај оние кои доживеле срцев удар според најголемиот здравствен информатор Norsk Helseinformatikk.

Сауна сесиите се централна активност во финската култура, па затоа тие се заинтересирани и прават истражување за ефектите.

Без оглед на придобивките што ги носат, сауните не се извор на детоксикација на телото, ова тврдење е на комплетно спротивно од она што го тврдат спортските центри и некои бањи.

Детоксикација звучи логички кога се зема во предвид дека се потиме, но основната функција на потењето е да ја регулира телесната температура и да елиминира некои супстанции но не до степен да врши детоксикација, таа улога во телото на човекот ја вршат други органи.