Собранието избра четворица нови министри и четворица заменици министри

Собранието избра нови четворица министри во Владата. За министерка за правда е избрана Рената Дескоска, новиот  министер за образование и наука е Арбр Адеми, министерството  за култура ќе го води  Асаф Адеми, а министер без ресор е Бардил Даути.

По гласањето за нивен избор новите министри дадоа свечени изјави.

Во Собранието вечерва  се избрани  и четворица нови  заменици-министри во Владата.

За заменик-министер за надворешни работи е избран Андреј Жерновски, за заменик министер за здравство Асим Муса, за заменик министер за труд и социјална политика Ѓонул Бајрактар и за транспорт и врски Садик Беќири.

Како нови коалициски партнери во Владата влегуваат крилото на Беса на Африм Гаши и ДПА, кои имаат министерски места, како и Сојузот на Ромите.