(Видео) Ураганот Дориан ги погоди Бахамите, луѓето се кријат во засолништа

Ураганот Дориан, кој прерасна во петта категорија, го погоди северниот дел од Бахамите.

Ураганот предизвика големи бранови и ветрови кои достигнуваат брзина од 285 километри на час, а властите ги повикаа граѓаните кои живеат во погодените подрачја да се евакуираат.

Хотелите се затворени, а стотици луѓе се сместени во училишта, цркви и други засолништа.

Во одредени делови нема струја и вода, пренесе „АП“.

Американскиот Национален центар за урагани наведе дека ова е најстрашниот ураган кој ги погодил Бахамите.