Фудбалер на Јувентус позитивен на коронавирус – цел тим оди во карантин

Фудбалскиот клуб Јувентус соопшти дека нивниот дефанзивен фудбалер 23 годишниот Даниел Ругани е позитивен на корона вирусот.

Италијанскиот фудбалер е прв за кого е потврдено дека е позитивен на вирусот. Во меѓувреме, целиот тим, сите негови соиграчи, но и дел од оние за кои постои сомневање дека комуницирале со него се ставени во карантин и на истите ќе им се направи тест за да се провери дали истите се позитивни на коронавирусот.

Комуникација со заразениот фудбалер според уште непотврдени информации на странските медиуми немал Кристијано Роналдо бидејќи во тој период тој заминал во посета на неговата мајка која доживеала мозочен удар.