ТАЈНИОТ БИЗНИС НА КИМ: КАКО СЕВЕРНА КОРЕЈА И ПОКРАЈ САНКЦИИТЕ ЗАРАБОТУВА МИЛИОНИ

Северна Кореја ископува песок во своите води, и кршејќи ги санкциите на Обединетите нации, заработува милиони долари од неговата продажба, јавува американската телевизиска мрежа Си-Ен-Ен.

Аналитичарите Лукас Куо и Лорен Сунг забележале повеќе од 100 бродови во водите во близина на пристаништето Хаеџу во Северна Кореја пред една година.

Како дел од неговата работа за Центарот за напредни одбранбени студии во Вашингтон, непрофитна организација која анализира безбедносни проблеми, двајцата аналитичари го следат сообраќајот во водите на Северна Кореја и Северо-источна Азија.

Причината за нивната работа се наводите дека Пјонгјанг продава јаглен и други вредни добра, понекогаш во многу големи количини на отворено море, со цел да се избегнат царините што мора да ги применат санкциите на ОН против Северна Кореја.

Наместо да ја пренесат стоката во пристаништето пред трговијата, Севернокорејците, наводно, ја пренесуваат стоката од еден брод во друг и го прикриваат нивното потекло, пишува Си-Ен-Ен.
Ваквите „трансфери од брод до брод“ можат, во зависност од тоа што се продаваат, да донесат десетици милиони долари на режимот Ким Џонг Ун, на кој му недостасуваат пари, пишува американската мрежа.

Ваквите трансфери се брзи и дискретни и обично вклучуваат максимум неколку бродови.

Но, Сунг и Куо виделе десетици бродови кои мистериозно пловеле кон Северна Кореја и откриле масовна операција, наводно, вредна милиони долари, вклучително 279 бродови кои ги заобиколиле санкциите на ОН.

Бродовите не носеле оружје, дрога, ниту јаглен, најпрофитабилниот извозен производ на Пјонгјанг, но биле користени за ископ и транспорт на песок.

Можеби изгледа безизлезно, но на Северна Кореја и е забрането да извезува земја и камења, како и песок.

И покрај ова, Северна Кореја заработила најмалку 22 милиони долари од извозот на песок минатата година, рекоа истражителите на ОН во извештајот во април.
Тие тврдат дека Пјонгјанг испратил милион тони песок во странство од мај до декември минатата година.

Куо и Сунг, велат тие, ги следеле бродовите со недели додека не ја забележале шемата: сите бродови во водите на Северна Кореја имале врски со Кина, некои носеле кинески знамиња, други имале кинески имиња.

Двајцата истражувачи употребиле и сателитски снимки кои покажале облаци од песок под десетици багери и копачи, што, според нив, е доказ дека песокот масовно се ископува од дното во севернокорејските води.

Сунг ја анализирала продажбата и ископувањата на песок од раните 90-ти до денес во Северна Кореја, кои покажуваат дека ова не е ништо ново. Северна Кореја отсекогаш извезувала песок во многу соседни земји, а сега се обидува да го стори тоа „под радарот“.

Современата цивилизација е изградена на различни видови песок што е клучна компонента на бетон, стакло, па дури и процесори за електронски уреди. Годишно човештво троши 50 милијарди тони песок, повеќе од кој било природен ресурс освен вода. Додека пустинскиот песок е премногу мазен за употреба во градежништвото затоа што нема добри својства за врзување, речниот песок обично е најдобар за производство на цемент. Песокот од дното на океанот е исто така добар, но мора да се исчисти и да се исцеди пред употреба.

Северна Кореја со години продава песок на Јужна Кореја, а само во 2008 година заработила над 73 милиони долари. Трговијата тогаш била прекината.

Кина, како најголем потрошувач на песок во светот, користеше повеќе песок за време на проширувањето на градежништвото, од 2011 до 2013 година, од Соединетите држави во целиот 20 век и сè уште ја користи повеќе од остаток на светот заедно, пишува Си-Ен-Ен.

Пекинг отсекогаш ги негираше обвинувањата за кршење на санкциите кон Северна Кореја.

Сепак, постои можност и дека Пјонгјанг е помалку заинтересиран за самиот песок и повеќе за продлабочување или проширување на пристаништето Хаеџу.

Можно е Северна Кореја да ангажира компанија со флота бродови од Кина за ископ, која за возврат плаќа со песок, пишува Си-Ен-Ен.