Мојсовска Блажевски: За жал, во услови на исклучително сложена енергетска криза единствен спас е лесна и „топла“ зима, сé друго се планови и пресметки базирани на силни претпоставки

Според професорката Никица Мојсовска Блажевски нема едноставен, ниту пак од напред дефиниран одговор на дилемата како во наредниот период ќе успееме да се справиме со последиците од енергетската криза.

“Иронично кажано, единствен спас е лесна и „топла“ зима, сé друго се планови и пресметки базирани на силни претпоставки’’, вели Мојсовска Блажевски за „Локално“.

Она што според неа е единствено извесно е дека товарот на повисоките цени на енергијата ќе мора некој да го поднесе.Основното прашање е дали товарот главно ќе падне на владата или на компаниите.

“Мора да сфатиме дека товарот на крај ќе го поднесеме ние, денешните и иднитегенерации, индиректно, односно преку зголемени даноци.

Доколку владата ја субвенционира цената на енергијата денес, ќе се зголеми буџетскиот дефицит, ќе мора и да се задолжиме и да се зголемат јавните давачки (даноци) за да има одржливост на јавните финансии’’, објаснува Мојсовска.