Имаш брат или сестра? Ова е приказна за тебе!
“Брат брата не храни, но тешко на оној кој го нема.”
Секој кој има брат или сестра, знае колку вистина и мудрост има во овие зборови.Чувајте ја таа љубов и не дозволувајте да се уништи поради имот, семејни спорови и ситни сметки. Еве една убава приказна , која ќе ве потсети колку сте среќни ако имате брат или сестра.
Двајца браќа работеле заедно на семејна фарма. Еден бил оженет и имал многу деца. Другиот бил сам. Браќата го делеле подеднакво профитот и плодовите на заедничкиот труд.
Еден ден, братот кој живеел сам, си помислил:
“Не е фер да делиме се подеднакво. Јас сум сам и не ми треба многу, а тој има семејство, на него му треба повеќе.
Затоа почнал секоја вечер да зема по една вреќа брашно од својот куп, тајно влегувал во дворот на својот брат и ја фрлал на неговиот куп.
Во исто време другиот брат си мислел: “Не е фер да делиме се подеднакво. На крајот на краиштата јас имам семејство, имам жена и деца, тие ќе ме гледаат на старост, а тој ќе остане сам.”
Затоа секоја ноќ земал по една вреќа жито и го фрлал на купот на својот брат.
И така минувале години, а браќата почнале да се чудат зошто купчињата брашно се секогаш исти.
И тогаш, една темна ноќ, двајцата браќа се сретнале на половина пат и сфатиле што правеле цело време еден за друг. Ги спуштиле вреќите и се прегрнале.
