Обид за киднапирање дете во Македонијa

Триесет и деветгодишен жител на село Палатица, општина Желино, во полиција пријавил дека додека вчера наутро со автомобил го носел својот 14-годишен син кон училиштето во селото, бил извршен обид за насилно одземање на неговото дете.

Како што раскажал З.И. во полиција, во еден момент патот му го попречил автомобил „мерцедес“ со скопски регистарски ознаки. Од возилото излегле четири непознати лица кои се обиделе насилно да го внесат неговиот син во нивниот автомобил.

Во тој момент излегла нивна соседка држејќи вила во раката, по што лицата побегнале во непознат правец. Од МВР информираат дека полицијата презема мерки за расчистување на настанот.