Влажните марамчиња ќе се забранат за употреба
Влажните марамчиња, кои секојдневно се користат за различни потреби, британската влада најави дека во рамки на справувањето со пластичниот отпад би можеле да бидат отстранети во текот на следните неколку децении. Користењето на марамчиња е штетно за кожата и за околината.
Владата на Британија најави дека нејзиниот план за елиминирање на пластичниот отпад вклучува производи за еднократна употреба како што се влажните марамчиња, кои содржат небиоразградлива пластика.
Значи производителите или ќе мора да прават непластични марамчиња или потрошувачите ќе останат без влажни марамчиња.
Влажните марамчиња се дел од 93% на блокадите во канализацијата на Велика Британија, што е клучен елемент на озлогласените џиновски пречки познати како фатберс, според британскиот водовод, трговското тело кое ги претставува сите главни компании за вода и канализација во земјата.
Тоа ја поттикна владата и индустријата да се фокусираат на убедувањето на потрошувачите да не ги фрлаат во системот за отпадни води.
Грешки при нивната употреба
Во употребата на влажните марамчињата добро е да се знае и дека по отстранувањето на шминката со влажни марамчиња секогаш треба да го измиете лицето со чиста вода, тврдат британските дерматолози. Тие на лицето секогаш оставаат траги, што постепено ги затвараат порите, ја сушат и иритираат кожата. Кога го чистите лицето со вакви марамчиња, посебно во делот околу очите, ги поттикнувате полесно да создадат брчки. Иако, по состав се слични на гелот за отстранување шминка, содржат и алкохол што и штети на кожата.
Затоа користете ги само кога морате, на патување, кампување или теретана. Професионалците советуваат дека влажни марамчиња треба да избегнуваат личности со сува и осетлива кожа, зашто и малку иритирано место ќе добие на интензитет, токму од марамчињата.
Ако сте се навикнале на овој брз и едноставен начин за чистење на лицето, барем избегнувајте го делот околу очите и устата. По нивно користење задолжително измијте го лицето и нанесете хидратантен крем. Избегнувајте парфимирани, зашто содржат агресивно иритирачки состојки.
