Грчката влада преживеа, но изгуби еден пратеник

Со 127 гласа за и 153 против, грчкиот парламент ја отфрли иницијативата на опозициската Нова демократија за недоверба на владата на премиерот Алексис Ципрас.

Гласаа вкупно 280 од 300 пратеници, а единствено Димитрос Каменос од Независни Грци имаше спротивна линија од партијата и не ја поддржа владата.

Кажаното „да“ од Димитрис Каменос беше дочекано со аплаузи од Нова демократија, но и беше експресно избришан од Независни Грци, со одлука на претседателот Панос Каменос.

Со обраќањето на грчкиот премиер Ципрас заврши тридневната расправа за гласање недоверба на владата по поднесената иницијатива од Нова демократија.