Како ќе се одвива вашиот љубовен живот во октомври!
Дали ќе успеете да ја задржите страста и добриот однос во врската или ќе бидете подлежни на несогласувања? Како ќе се одвива вашиот љубовен живот во октомври и какви предизвици ве очекуваат на ова поле?
Ќе успеете да ја најдете вашата љубов или постојано ќе влегувате од една во друга авантура?
Или можеби, ќе паднете под влијание на старата љубов и ќе си дадете повторна шанса?
Што ве очекува во октомври според хороскопскиот знак, дознајте во продолжение:
Овен
Ако сте во врска:
Во љубовните односи може да земе замав љубомората што може да предизвика сериозни кавги, а несогласувањата најмногу ќе настанат околу заедничките вложувања и буџетот. Во средината на октомври ќе најдете некое решение, а разговорот и признавањето на грешките се најдобар начин за тоа. До крајот на месецот повторно ќе имате пријатна љубовна романса.
Ако сте слободни:
Може да очекувате средба со поранешната љубов, а тоа ќе ве вознемири, но сетете се зошто сте се разделиле. Личноста која ви се допаѓа ќе дознаете дека има некој друг, па очекувањата ќе ви пропаднат во вода, а желбата за поранешната љубов повторно ќе се разгори. Бидете внимателни, бидејќи кон крајот на месецот се очекува обновување на љубовта, па одлучете што сакате.
Бик
Ако сте во врска:
Месецот може да ви биде стресен и променлив на поле љубов, а можно е да излезат несогласувања со партнерот околу заедничките планови. Секој ќе тера по своето и тешко ќе се сложувате, но обидете се што повеќе да избегнувате кавги. Во втората половина, ќе се намали тензијата и ќе постигнете заеднички договор.
Ако сте слободни:
Ќе се обидувате да ѝ привлечете внимание на личност која ќе ја запознаете во друштво и ќе ви се допадне на прв поглед. Можно е да треба да се „натпреварувате“ со уште еден конкурент што ќе ве стави во непријатна ситуација. Во исто време, за вас ќе биде заинтересирана друга личност која може да е подобра опција од онаа која се обидувате да ја освоите. Внимавајте да не пропуштите шанса.
Близнаци
Ако сте во врска:
Вашиот партнер може да биде незадоволен од вниманието кое му го посветувате на почетокот на месецот и врската ќе ви се најде пред искушенија. Во случај нешто да сте криеле, може да очекувате кавги бидејќи партнерот ќе дознае. Втората половина ќе ви донесе нејаснотии во односот, па ќе мора повеќе да се трудите да наоѓате заеднички јазик и решение за подобрување на довербата.
Ако сте слободни:
Ќе ви привлече внимание личност која ќе ја запознаете во бизнис круг или преку заеднички пријател. Симпатиите ќе бидат обострани, но може да дознаете дека личноста е во врска или брак. Ќе добиете предлог за тајна авантура, но уште од почетокот ќе ви изгледа напнато и несигурно, па брзо ќе се откажете. Можно е истата понуда да ја добиете и од други личности, а на некоја од нив да потпаднете.
Рак
Ако сте во врска:
Првата декада на октомври може да ви донесе несогласувања со партнерот, а незадоволствата кои сте ги потиснувале ќе ви предизвикаат нарушувања во односот. Разговарајте за проблемот отворено, па во втората половина ќе се стабилизирате. Потребни ви се редовни ритуали за заедничкиот живот и потрудете се да го надоместите тоа што сте го пропуштиле досега.
Ако сте слободни:
Првата половина на октомври ќе ви донесе хаотични случувања во љубовниот живот. Обидот да се приближите до некој што ве привлекува ќе предизвика тензии и разочарување, заради што ќе се откажете. Потоа очекувајте да ви пријде некој кој на прв поглед ќе изгледа дека задоволува поголем дел од вашите критериуми, па може да започнете сериозна врска.
Лав
Ако сте во врска:
Очекувајте повторување на некои несогласувања кои сте ги имале претходно со партнерот и немојте повторно да правите исти грешки. Избегнувајте љубоморни сцени и кавги околу ситници. Кон крајот на октомври ќе успеете да ги надминете несогласувањата така што ќе сфатите што е неопходно за односот да ви стане поусогласен. Ќе промените нешто во однесувањето и пристапот, што ќе влијае позитивно.
Ако сте слободни:
Личноста со која сте се обиделе да остварите емотивна врска, но со која сте имале само кратка авантура, ќе продолжи да ви привлекува внимание. Често ќе се сретнувате на исти места и повторно ќе се разгорат страстите. Овојпат може да имате шанса за нешто повеќе од физички однос, па продолжете да чекорите по тој пат бидејќи врската може да биде успешна.
Девица
Ако сте во врска:
Често ќе отворате разговор за меѓусебните очекувања и емоции, како и за незадоволството од односот. Околу тоа може да излезат некои кавги, па дури и љубоморни сцени кои во втората половина ќе ги разрешите. Ќе увидите каков е вашиот однос кон партнерот и ќе ја подобрите комуникацијата како и довербата. Кон крајот на месецот очекувајте подобро разбирање и мотивација.
Ако сте слободни:
Ќе се чувствувате несигурно и ќе правите грешки во обид да привлечете внимание на личност која ќе ви делува како идеален партнер. Со тек на време ќе сфатите дека таа личност нема интерес за вас и ќе бидете разочарани. Во втората половина на месецот ќе ви пријде некој што ќе ве потсети на некој во кој сте биле заљубени во минатото. Помеѓу вас брзо ќе се развијат симпатии и разговори за заеднички интереси, а до крајот на месецот може да започнете нешто.
Вага
Ако сте во врска:
Со саканата личност нема да успеете да се усогласите околу семејните обврски на почетокот на месецот и ќе бидете преоптоварени со тешкотии од материјален аспект. Можни се љубоморни сцени, зголемени страсти и испади на посесивност, но во втората половина ќе го подобрите она што би било негативно во односот. Ќе разговарате отворено и искрено за она што ви смета и ќе ги оставите несогласувањата зад вас.
Ако сте слободни:
Првата декада на октомври ќе помине во напната атмосфера, бидејќи личноста која ви се допаѓа ќе ги игнорира вашите сигнали и ќе се заинтересира за некој друг. Тоа ќе ви предизвика љубомора и може да бидете склони кон сцени и испади. Потоа може да се свртите кон поранешниот партнер кој уште не ве преболел и ќе си дадете нова шанса.
Скорпија
Ако сте во врска:
Можно е да дојде до заладување на односите со партнерот, а причина за тоа се недоразбирања, недоволно посветување внимание и нерешени проблеми од минатото. Во втората половина ќе успеете да го ублажите несогласувањето, но ќе мора да промените многу ваши ставови во однос на партнерот и да внесете нешто ново за да ја освежите врската и да го подобрите односот.
Ако сте слободни:
Личноста за која имате чувства и со која се обидувате да воспоставите емотивна врска, ќе направи нешто што ќе ве разочара, па ќе се откажете од обидот да ја привлечете. Заради разочарувањето кое ќе ве погоди, ќе се впуштите во страсна и кратка авантура, бидејќи ќе сфатите дека тука нема ништо повеќе од тоа. Кон крајот може да се сретнете со поранешната љубов и да размислите за обновување на врската.
Стрелец
Ако сте во врска:
Тешко ќе се приспособувате еден на друг со партнерот, посебно кога станува збор за инвестиции, бидејќи партнерот ќе има сомнежи дека нешто криете. Во втората половина на месецот може да очекувате уште еден конфликт за заедничките планови, а потоа ќе го доведете во ред односот. Бидете подготвени на компромиси и земете ги работите во свои раце.
Ако сте слободни:
Првиот дел од месецот ќе ви биде динамичен и може да имате шанса да влезете во емотивна врска, но ќе бидете внимателни и нема да се залетувате заради минати непријатни искуства. Нема да ви се допаѓаат личностите кои ќе ви приоѓаат, бидејќи на секој ќе му недостасува нешто од она што го барате. Кон крајот на месецот може да се појави некој поразличен од просекот и ќе ви го исполни срцето.
Јарец
Ако сте во врска:
Крајно време е да се посветите на заедничките активности со саканата личност и да ја намалите грижата за секакви други работи освен за љубовта. Во првата половина на октомври ќе ве очекуваат многу искушенија за заедничките планови, а можни се конфликти. Во другата половина на октомври ќе бидете изненадени од тоа колку на партнерот му значите и ќе го надоместите пропуштеното време.
Ако сте слободни:
Вашите потреби во љубовта ќе бидат повеќе површни отколку што ќе чувствувате потреба за постојана врска. Ќе се обидете да влезете во авантура со личност која не е слободна, но брзо ќе се разочарате бидејќи нема да ви годи во ниту едно поле. Друга личност на која ѝ се допаѓате ќе биде љубоморна за вашите авантури и ќе се обиде да ви привлече внимание, а до крајот на месецот можеби ќе успее.
Водолија
Ако сте во врска:
Во првата половина на октомври обрнете повеќе внимание на потребите на вашиот партнер. Ќе бидете склони да се затворате во себе заради други грижи и ќе ја занемарите саканата личност. Може да ве изненадат тајните кои ќе излезат на виделина заради нешто што не сте решиле на време. Во втората половина на октомври ќе почнете да водите долги разговори за да може да си ја најдете повторно среќата.
Ако сте слободни:
На некоја забава или дружба може да забележите некој кој ќе ви привлече внимание и со кој ќе започнете разговор. Ќе се чувствувате пријатно заради информираноста на личноста, културното однесување и смислата за хумор. Ќе почнете да излегувате заедно, а на почетокот симпатијата може да биде малку воздржана околу интимните прашања кои се нешто повеќе од само забава, но понатаму ќе почне да се отвора.
Риби
Ако сте во врска:
Нема да може лесно да се согласите со партнерот околу исполнување на заедничките цели и ќе почнете да се сомневате дека нешто крие од вас. Понекогаш ќе ви недостасува поддршка и ќе почне емотивно да се повлекува. Едно недоразбирање може да предизвика тешки зборови, а најмногу потешкотии ќе имате во комуникацијата во текот на октомври. За среќа, ќе успеете да најдете заеднички јазик после повеќе кавги и ќе се вратите во рамнотежа.
Ако сте слободни:
Ќе се чувствувате празно и разочарано во првата половина на октомври. Некој за кој сте имале високи очекувања ќе се покаже како невозможна мисија и мислењето ќе ви се намали. Разочарувањето нема да трае долго бидејќи неочекувани ќе ве побара некој кој одамна не сте го виделе, а во минатото сте имале емотивна врска. Ќе бидете пријатно изненадени и ќе ви годи промената.
