Движењето „Еко Герила“ се сомнева дека „Југохром“ ќе постави филтер станица

По објавата дека Владата на Република Македонија ќе одобри 1,5 милиони евра за инсталирање на филтри за прочистување на отпадните гасови во „Југохром“, реагираат тетовските екологисти од Движењето „Еко Герила“ и велат дека ова е уште една манипулација со јавноста.

„Нашите сериозни сомневања се должат на фактот дека инсталацијата на системот за филтрирање порано чинеше 12 милиони евра и беа потребни најмалку 2 години за нивна инсталација. Не е јасно како цената на филтрите се намали од 12 милиони евра на 1,5 до 2 милиони евра и поставување на истите ќе се изврши во рок од 4-5 месеци за производство со капацитет од 55 отсто. Ние не им веруваме на ветувањата на Југохром и на Владата, бидејќи со години нè манипулираа“, се вели во соопштението на „Еко Герила“.

Од оваа еколошка организација бараат од „Југохром“ и од Владата да дозволи во процесот на изградбата на заштитните филтри да бидат вклучени и независни експерти кои за да се запазат бараните стандарди.

Вработените на „Југохром“ пак се охрабрени што конечно е добиен бараниот кредит за доизградба на филтер станицата.

„Ние и порано баравме а и сега ќе побараме од Државниот инспекторат за екологија „Југохром“ повторно да проработи паралелно со изградбата на филтер станицата“, рече Бајрам Амети, претседател на синдикалната организација во фабриката.

повеќе на

ТЕТОВСКИТЕ ЕКОЛОГИСТИ СЕ СОМНЕВААТ ДЕКА „ЈУГОХРОМ“ ЌЕ ЈА ИЗГРАДИ ФИЛТЕР СТАНИЦАТА

 

Translate »