Вереницата на Кристијано Роналдо во гламурозно издание на црвениот тепих во Кан

Џорџина Родригез синоќа беше меѓу бројните гости на премиерата на „Once Upon a Time In Hollywood“.

За свеченоста во Кан, 25-годишниот модел избра гламурозен стајлинг кој вклучуваше долг фустан од Али Кари кој ѝ ја истакнуваше фигурата, сандали од Џузепе Ѕаноти и накит од Шопард.

Своето присуство на Азурниот брег, Родригез го најави со фотографија од балконот на хотелот во кој престојува.

Пред да отпатува на француската ривиера, таа прославуваше со Кристијано Роналдо за неговата шампионска титула со Јувентус. Популарниот фудбалер доби и трофеј за најкорисен фудбалер на сезоната во Серија А.