Вонредна вест:Напад на Менхетен, најмалку шест лица загинаа

Најмалку шест лица загинаа, а неколку се повредени во напад со возило во близина на Светскиот трговски центар на Менхетен во Њујорк.  Возилото на напаѓачот се судрило со друго возило, а потоа напаѓачот продолжил да пука со огнено оружје.

Од полицијата потврдуваат дека возилото влегло на велосипедска патека каде што удрило неколку луѓе. Тие соопштија дека има неколку жртви и голем број повредени.

Напаѓачот бил застрелан од страна на полицијата, по што бил уапсен, а властите уверуваат дека опасноста е помината.

Инцидентот се истражува како можен терористички напад, а според американските медиуми напаѓачот извикувал „Алах акбар“ (Господ е голем).

Полицијата ги замоли граѓаните да не се движат во близина во местото на настанот, поради истрагата која е во тек и за да се остави простор за амбулантните возила.