Пратениците на ВМРО-ДПМНЕ ќе се вратат во Собранието за обраќањето на Столтенберг

Пратениците од ВМРО-ДПМНЕ в четврток се враќаат во Собранието за да го слушнат обраќањето на генералниот секретар на НАТО, Јенс Столтенберг. Одлуката била донесена на синоќешната седница на Извршниот комитет на ВМРО-ДПМНЕ, а пораката е да покажат дека стратешката определба на партијата е членството во НАТО и ЕУ. Од ВМРО-ДПМНЕ не откриваат дали тоа значи дека опозицијата се враќа да учествува во работата на Собранието. За тоа дополнително ќе информираат.

Пратениците на опозиција од крајот на минатата година, по определувањето на мерките притвор, не учествуваат во работата на Собранието. Судот сè уште не одлучил дали ќе го прифати барањето на пратеникот Јохан Тарчуловски да го следи обраќањето на Столтенберг во Собранието.