Виталиа се продава во луксузните супермаркети во Дубаи

Дубаи или „престолнината на луксузот“, како што популарно го нарекуваат овој град на Истокот, е симболот на успешните бизниси, туристичките прошетки и луксузните шопинг искуства.

Во Дубаи доминира сјајот, чистотата и гламурот, а жителите и посетителите за себе го сакаат само  најдоброто. Градот е преплавен со шопинг центри, кој се вивнуваат кон небото на неколку спрата и чиј излози го продаваат само избраниот луксуз за префинетиот вкус на посетителите.

Во Дубаи, најпрестижното туристичко место на светот и најпосакуваниот град за живеење на Истокот, се продаваат производите на Виталиа. На полиците на луксузните супермаркети, каде завршуваат само внимателно селектирани прозиводи што се одликуваат со здрави состјки и квалитет, може да се најдат и неколку производи од широкото портфолио на македонската Виталиа.

Дубаи е изграден среде пустина, но плени со зелени површини и водоскоци на секој чекор. А со препознатливата, централно поставена кула – Бурџ Халифа е порака од источниот свет за успешните приказни од овие краишта.

Овој космполитски град со одмерено либерален дух за источните земји, пружа можности за амбициозните претприемачи и мудрите бизнисмени да ги пласираат своите производи што го дополнуваат животниот стил на жителите и посетителите на Дубаи.

Почнувајќи  од автомобилите до храната што се служи во рестораните и се пазари во супермаркетите, се одава длабока почит кон хедонизмот и раскошната страна на животот.

Дубаи е една од главните туристички атракции во Емиратите, а во 2017 година имал рекорден број од 15.8 милиони туристи, што е за 6.2 отсто повеќе во однос на 2016 година.