Пукање во училиште во Индијана, наставник го совладал напаѓачот
Повторно вооружен напад во училиште во САД. Ученик, вооружен со два пиштоли, вчера отворил оган и повредил еден ученик и еден наставник во средното училиште во Индијана, информираат американските медиуми.
Наставникот Џејсон Симен од училиштето во Нобелсвил во американската држава Индијана, бил застрелан трипати кога го совладал ученикот на под и ги спасил неговите ученици.
Фото: Наставникот Џејсон Симен помогна да се спасат учениците
Ученикот Итан Стоунбрејкер изјави дека најверојатно ќе имало уште ранети, ако еден наставник не го совладал напаѓач, кој го извадил пиштолот и отворил оган додека класот пишувал тест.
– Нашиот наставник веднаш скокна врз него, го зеде пиштолот и го сруши на подот. Да не беше тој, сигурно ќе имаше уште повредени, вели Стоунбрејкер.
Властите веруваат дека напаѓачот дејствувал сам, но не дадоа повеќе информации.