Дерик Роуз со рекордни 50 поени, Леброн не му дозоли на Дончиќ да биде херојот на вечерта (ВИДЕО)

Плејмејкерот во 2011 стана најмладиот МВП во историјата на НБА но потоа следуваа големи пехови, скинати лигаменти на коленото, операции и долги паузи.

Дерик Роуз повеќе не беше ист, но утрово потсети на старите добри времиња и постигна за него рекордни 50 поени со кој ја предводеше Минесота до победа од 128-125 над Јута.

Интересно беше и во „Стејплс Центар“ каде Леброн Џејмс во последните секунди и донесе победа за ЛА Лејкерс од 114-113 во дуелот со Далас.

„Езерџиите“ имаа +13 на три минути до крајот, но потоа на сцена стапи Лука Дончиќ кој забележа шест поени и две асистенции во финишот и на седум секунди пред крајот погоди за 113-113.

Сепак, Леброн Џејмс остана смирен и покрај тоа што го промаши првото слободно фрлање и не му дозволи на младиот Словенец да биде херој на вечерта.

НБА резултати:

Бруклин – Детроит 120:119
Чикаго – Денвер 107:108
Минесота – Јута 128:125
Њујорк Индијана 101:107
Голден Стејт – Њу Орлеанс 131:121
ЛА Лејкерс – Далас 114:113
Феникс – Сан Антонио 90:120