Макпрогрес на слатко дружење со дечињата од СОС Детско село!

Компанијата Макпрогрес Виница, како партнер со срце на СОС Детското село, организираше прекрасна дружба со дечињата. Вработените на Макпрогрес заедно со дечињата изработуваа и декорираа празнични колачиња со што се внесе слатка магија во овој празничен период кај оние кои најмногу заслужуваат да бидат среќни и весели.

Со брзата подготовка на производите на Fantasia чија палета нуди избор на мешавини за подготовка на десерти и солени деликатеси, состојки за готвење и декорации за десерти, лесно беше да се поттикне креативноста на дечињата кои навистина се истакнаа во декорирањето.

Помалку време за готвење, повеќе време за декорирање и дегустација! Среќни и задоволни дечињата се насладуваа во своите слатки креации.

 Бесценетите насмевки на лицата на децата се само доказ дека малку време и внимание е потребно да внесеш радост кај сите за празниците!