Алармантно-Зошто на децата треба да им се ограничи времето со електронски уреди!

Во последно време, иако има исклучоци, сепак на повеќето млади родители им е полесно да им дадат телефон на децата, наместо да им посветат дел од своето драгоцено време, или пак да ги остават да си играат на отворено.

Кога детето плаче, му даваат телефон, кога на детето му е здодевно, му даваат телефон, кога детето треба да се натера да јаде му даваат телефон и кога треба родителите малку да одморат, на детето му даваат телефон или таблет.

Електронските уреди во денешно време играат голема улога во животот на децата уште од најмали нозе и тие поминуваат многу голем период од денот пред екран.

Сепак, и покрај тоа што родителите се свесни дека има последици од тоа, се обидуваат да ги игнорираат, бидејќи спасот го гледаат токму во овие уреди.

Но, со кои проблеми може да се соочи детето заради оваа навика на родителите?

Влијае на процесот на созревање

Ако децата во минатото мислеа дека е кул да се биде возрасен, децата кои повеќе време поминуваат на телефони, нема да бидат заинтересирани за активности за возрасни како одење на љубовни состаноци, работа, независен живот, возење и слично.

Влијае лошо на социјалните вештини за поврзување

Децата кои се опседнати со електронски уреди, ретко сакаат да го напуштат домот за да одат да се дружат со други деца, бидејќи тоа им е достапно на неколку кликови.

Сепак, кога ќе се соочат со реалниот свет, може да искусат многу тешкотии при социјализација.

Може да ја уништи родител-дете врската

Врската помеѓу родителите и децата е многу важна, а ако вие не им обрнувате внимание и не ги занимавате кога им е здодевно, туку им давате телефон, тие ќе развијат посилна врска со телефонот и потоа нема да ви обрнуваат внимание.

Предизвикува депресија и анксиозност

 Децата не се доволно способни да ги разберат границите помеѓу вистинскиот живот и оној на социјалните медиуми, па ако од многу мали почнат да живеат во тој свет, може да им се развијат притисоци дека нешто треба да изгледа онака како што гледаат на интернет, а тоа да влијае на менталното здравје.

Влијае на квалитетот на сонот

Децата кои се зависни од електронски уреди, многу често се случува да си кратат од времето за спиење, за да седат подолго на телефон или таблет, а тоа може да резултира со лош перформанс на училиште, лошо однесување и лоша концентрација и когнитивни способности.

Влијае на дебелеење

Ако детето поминува многу време на телефон, таблет или пред телевизор, нема многу време за физички активности, ниту пак е заинтересирано за нешто такво.

Исто така, зголеменото користење на уреди со екран, е поврзано со консумирање на барем неколку калорични намирници.

Предизвикува проблеми со однесувањето

Предолго поминатото време пред екран предизвикува симптоми на дефицит на концентрација или хиперактивност.

Ги прави децата несреќни

Онлајн поврзаноста не може да ја замени интеракцијата од реалниот живот со семејството и пријателите, посебно за децата, бидејќи тие не секогаш го разбираат тоа.

Потребни им се поинакви активности во слободното време кои ќе им создадат спомените од детството за едно убаво и среќно време.