Првични резултати на ДИК: Пендаровски води пред Сиљаноска-Давкова

Нешто повеќе од еден час по затворањето на избирачките места, Државната изборна комисија започна да ги објавува резултатите од процесираните избирачки места.

Државната изборна комисија започна со објавување на резултатите додека во секој момент од разни изборни места ширум Македонија пристигнуваат првите процесирани резултати.

Нешто повеќе од еден час по завршувањето на гласањето, кандидатот на владеачката СДСМ, Стево Пендаровски има блага предност во однос на кандидатката на најголемата опизициска партија Гордана Сиљаноска-Давкова и Блерим Река.

Пендаровски според последните резултати од преброените гласови има нешто повеќе од 33 илјади гласови (41,77%), Сиљановска-Давкова има нешто повеќе од 31 илјади гласови (38,69%), а Блерим Река 12,696 гласови (15,65%).

Неважечки се 3,146 ливчиња, односно 3,88%

Резултатите од изборите кои што од минута во минута се менуваат, можете да ги следите на интернет страницата на Државната изборна комисија ТУКА.