Пратеникот Павле Богоевски самиот се пријавил во полициската станица

Пратеникот Павле Богоевски попладнево самиот се пријавил во полициската станица Центар за маслото канабис, но поднел пријава и за непознат сторител.

Според Телма тој во одделот за борба со недозволена трговија и шверц се пријави самиот, бидејќи авторот на постот на руската социјална мрежа ВК тврди дека пратеникот по телефон нарачувал да купи кокаин.

Богоевски тврди дека не купувал кокаин туку канабис масло за близок човек, а во полиција пријавил и дека бил нелегално сниман од страна на таксистот кого не го памети.

Богоевски вели дека се што ќе побара полицијата во истрагата тој ќе направи, дури ако треба и тестирање.