Промоција на црногорските туристички потенцијали

Црногорскиот туристички сојуз, во соработка со Амбасадата на Црна Гора во Р. Северна Македонија, викендов организираше промоција на туристичките потенцијали на оваа земја на градскиот плоштад во Скопје.

Промоцијата беше организирана во рамките на регионалната кампања “Road Show” по Белград, Суботица, Нови Сад и Крагуевац.

На посебен штанд беа делени брошури, флаери и друг промотивен материјал, одговарајќи истовремено на бројни прашања на посетителите, кои покажаа голем интерес, посебно за Будва и регионот околу неа. За крај беше организирана работна вечера со претставници на неколку медиуми и претставници на туристички агенции.