ЕУ подготвува економски мерки против САД: Ќе има царини од Брисел, најлошо ќе поминат Google, Facebook, Microsoft и гиганти како нив
Европската унија развила економска програма која може да одговори на трговските ограничувања на американскиот претседател Доналд Трамп.
Во документот, кој има 173 страни, се предложува Европската унија да покаже поголема одлучност во областа на трговијата и да воведе еднострани царини на роба од САД, пишува Politico.
Сличните санкции ќе влијаат на технолошки џинови како Google, Apple, Amazon, Microsoft и Facebook, за европските земји да добијат можност да развиваат свои технолошки компании.
На тој начин авторите на документот инсистираат на поостри мерки против САД во областа на трговијата.
EU officials have drawn up an aggressive 173-page plan to counter both Donald Trump’s trade moves and American tech giants including Google, Apple, Amazon, Microsoft and Facebook https://www.politico.com/story/2019/08/22/europe-plan-trump-tech-companies-1472326 …EXCLUSIVE: European officials draft radical plan to take on Trump and U.S. tech companiesIn a bid to counter Trump, EU officials are proposing to unilaterally slap tariffs on the United States.politico.com1589:36 PM – Aug 22, 2019Twitter Ads info and privacy115 people are talking about this
Весникот нагласува дека овие предлози се уште се во фаза на разгледување.
Во програмата се нагласува дека Урсула фон дер Лејен, претседателка на Европската комисија, би требало да основа Европски фонд за иднина, кој би вложил повеќе од 100 милијарди долари во акции на перспективни компании на континентот. Се планира тие во иднина да им конкурираат на американските компании.
По излегувањето на Велика Британија, Европската унија ќе биде слободна да води поизразена интервенционистичка економска политика, која Франција и Германија одамна ја поддржуваат, констатира Politico.
Трамп во текот на разговорите со новинарите и обраќањата до своите привразаници неколку пати ги осудувал земјите од ЕУ поради нивните трговски политики кон САД, тврдејќи дека Европа е полоша и од Кина.
САД и ЕУ си вовеле меѓусебни трговски царини на бројни категории на роба минатата година. Сега ЕУ се обидува да избегне воведување на нови американски царини на автомобилите од европско производство, што Трамп го користи за уценување.
