Можеби постои планета со подобри услови за живот од земјата!

Нови компјутерски модели посочуваат дека можеби има егзопланити што се подобри за живот од Земјата. Иако нема гаранција дека тие егзопланети постојат или дека нивните гостопримливи околини неизбежно водат до ширење на вонземскиот живот, истражувањето алудира дека сепак можеби не сме сосема сами во универзумот.

Клучот за погодноста за живеење на егзопланета изгледа дека лежи во тоа колку добро циркулираат океаните и колку добро тие носат хранливи материи од длабочините на површината, каде што фотосинтезирачките организми би имале придобивка од нив.

Користејќи софтвер за моделирање на НАСА, научниците утврдиле дека погостопримливите егзопланети би требало да имаат дебели атмосфери, мали брзини на ротација и повеќе континенти, стои во истражувањето.

– Ова е изненадувачки заклучок. Ни покажува дека условите на некои егзопланети со поволни шеми на циркулација на океаните може да се подобри за живот кој е побогат и поактивен од животот на Земјата – наведува водечкиот истражувач Стефани Олсон од Универзитетот во Чикаго.