Поранешната НБА ѕвезда, Коби Брајант загина во хеликоптерска несреќа

Поранешната НБА ѕвезда, Коби Брајант, на 41- годишна возраст го загубила својот живот во хеликоптерска несреќа.

Брајант и уште четири лица загинале по пад на хеликоптерот во околината на Лос Анџелес.

Според објавата на „ТМЗ“ со него не патувала сопругата Ванеса или друг член на семејството.

Информацијата ја потврди и угледниот НБА новинар Адриан Војнаровски чии извори велат дека Брајант бил во хеликоптерот кој изгорел целосно по падот.

Повикот за паднат хеликоптер се појавил во 10.00 часот по локално време, соопшти полицијата на округот Лос Анџелес. Пожарникарите присуствуваат на местото на настанот и го гаснат пламенот, но преживеани нема.

Коби се смета за еден од најголемите НБА играчи на сите времиња со 20-годишна кариера со Лејкерс, од кошарката се повлече во 2016 година.