КИНЕЗИТЕ РАЗВИЈА СПРЕЈ КОЈ ГИ ШТИТИ ПОВРШИНИТЕ ОД ВИРУСОТ ВО ТЕКОТ НА 90 ДЕНА: ВЕЌЕ Е ВО ПРОДАЖБА

Научниците развија антивирусна обвивка која може да ги заштити површините од коронавирусот за 90 дена.
Продажбата на спрејот за заштита од вирусот КОВИД-19 започна во Хонг Конг по цена од околу осум евра, пренесува британскиот Скај њуз.

На научниците од Универзитетот за наука и технологија на Хонг Конг (ХКУСТ) им беа потребни 10 години за да ја развијат оваа обвивка наречена МАП-1.

Според нив, оваа супстанца може да се испрска на површини на јавни места, како што се приколки и лифтови, за да се заштитат од вирусот корона.

– Овие места честопати се допираат и со тоа стануваат многу ефикасни преносители на болеста – вели професорот Џозеф Кван, еден од главните истражувачи во ХКУСТ.

Спрејот е направен од милиони нано-капсули со средства за дезинфекција кои остануваат ефикасни во уништување на бактерии, вируси и спори дури и откако ќе се исушат, вели професорот Кван.

Тој рече дека ефикасноста на МАП-1 е подобрена со полимери чувствителни на топлина, кои се распаѓаат во контакт со луѓето и ослободуваат средства за дезинфекција – за разлика од конвенционалните средства за дезинфекција, како што се белилото или алкохолот.

Спрејот е исто така нетоксичен и безбеден за кожата и околината, тврдат истражувачите.

Тој беше одобрен за официјална и масовна употреба во февруари по клиничките испитувања во болницата во Хонг Конг.