Од септември поскапува струјата – на сметка од 1.500 денари плус уште 100
Цената на електричната енергија на сметките на домаќинствата ќе се зголеми за 7,42 проценти од септември годинава, потврди претседателот на Регулаторната комисија за енергетика Марко Бислимовски откако ја донеле конечната одлука за поскапувањето.
Електричната енергија ќе чини околу 5,9 денари за еден киловат скапа тарифа и 2,9 денари за евтина тарифа.
Граѓаните и понатаму ќе имаат евтина тарифа која останува во пресметката во часовите како и досега.
„Знаеме дека одлуката ќе има влијание на крајните потрошувачи. За сметка од 1.500 денари на пример зголемувањето е околу 100 денари, вели Бислимовски.
Според пресметките Електрани на Северна Македонија има намалување на приходите од продажба на вишоци на електрична енергија од 17 милиони евра, а МЕПСО намалување на приходите од 11 милиони евра, а падот е поради намалувањето на потрошувачката на индустриската и комерцијалната потрошувачка.
