Во ова овошје се наоѓа неверојатна количина на витамини и на минерали, а бројни истражувања докажуваат дека лекува многу здравствени тегоби.

Сите уживаме во вкусот и мирисот на дињата, а не сме ни свесни колку е таа лековита. Дињата содржи малку калории, па се препорачува на сите оние кои се обидуваат да ги намалат килограмите. Освен тоа, таа освежува и е преполна со витамини и други важни состојки кои му се неопходни на организмот, го спречува растот на клетките на рак и лекува дијабетес. 

Содржи околу 88% вода и само 11% шеќер, па се препорачува нејзина примена неколку пати во текот на денот. Витаминот А од дињата е неопходен за добар вид и тен, а покрај тоа содржи и витамин Ц. Овие два антиоксиданси го штитат организмот од кардиоваскуларни заболувања и стареење.

Некои нови истражувања тврдат дека бета каротенот од дињата помага во борбата против карцином на белите дробови, но и против рак на грлото на матката, желудникот, како и орални болести. Растителните влакна поволно делуваат на чистењето на организмот од штетните радикали и претставуваат одлична помош за надуеност.

Го штити здравјето на очите

Дињата содржи нутриенти важни за здравјето на очите, бета каротен (од кој се ослободува витамин А), витамин Ц, лутеин и зеаксантин. Со оглед на тоа што бројни истражувања докажале дека недостигот на витамините А и Ц може да доведе до глаукома и макуларна дегенерација, па дури и до слепило, дињата е одличен избор за спречување или забавување на развојот на овие нарушувања.

Го регулира крвниот притисок

Дињата содржи влакна, калиум, витамин Ц и колин кои го подобруваат здравјето на срцето и го регулираат холестеролот и крвниот притисок.

Ја спречува појавата на камен во бубрезите

Внесувањето калиум е поврзано со намалувањето на ризикот од губење на мускулната маса. Овој минерал, исто така, ја спречува појавата на камен во бубрезите.

Ја регулира дигестијата

Дињата е добар избор за оние со чувствителен желудник бидејќи содржи ензими и не ја троши енергијата на организмот за варење на храна. Поради изобилството на влакна и вода спречува констипација и помага во регулација на дигестијата, го подобрува здравјето на дигестивниот тракт и го поттикнува исфрлањето на токсините од цревата.