ПОЖАР КАКОВ КАЛИФОРНИЈА НЕ ПАМЕТИ: ПОВЕЌЕ ОД 12.000 ПОЖАРНИКАРИ СЕ БОРАТ ПРОТИВ 560 ПОЖАРИ! (ВИДЕО)

Додека повеќе од 12.000 пожарникари се борат во Калифорнија против 560 пожари, гувернерот Гавин Њусом рече дека побарал средства и поддршка не само од другите држави на САД, туку и од Канада и Австралија.

Гувернерот рече дека Австралија е земја на „најдобрите борци против пожари во светот“.

Њусом соопшти дека пожарите „несразмерно влијаеле“ на северниот дел на Калифорнија, каде десетици илјади луѓе биле принудени да ги напуштат своите домови и каде биле уништени стотици домови и други објекти.

„Вакво нешто не сме виделе многу, многу години“, рече Њусом, додавајќи, „Овие пожари ги трошат нашите ресурси, нашиот персонал“.

Најмалку шест лица загинаа, а 43 се повредени, меѓу кои и пожарникарите, во пожарот што изгоре околу 2.020 квадратни километри за време на историскиот топлотен бран.

Илјадници години стари дрва на Редвуд се загрозени од пожар.