Апелација му ја потврди тригодишната затворска казна на Кичеец за „Рекет“

Апелацискиот суд Скопје делумно ги уважи жалбите на обвинетиот Зоран Милески во случајот „Рекет“ на начин што ја потврди првостепената пресуда за тригодишна затворска казна, додека во делот на одлуката за одземање нпредмети ја укина и во овој дел предметот го врати на првостепениот суд на повторно постапување и одлучување.

„Апелацискиот суд Скопје известува дека, постапувајќи по кривичниот предмет КОКЖ- 8/20, во јавноста познат како ‘Рекет’, по одржана јавна седница на 2.9.2020 година, донесе пресуда со која жалбите на обвинетиот Зоран Милески од Скопје делумно ги уважи на начин што ја потврди првостепената пресуда, по однос на вината и изречената кривична санкција, додека во делот на одлуката за одземање предмети ја укина и во овој дел предметот го врати на првостепениот суд на повторно постапување и одлучување“, соопштија од Апелацискиот суд.

Вака донесената одлука, како што велат од Судот, ќе биде објавена во целост на веб-страницата на судот во рокот определен со Законот за управување со движењето на предметите во судовите.