Северна Европа спие на македонски душеци!

Кога создавате квалитетни производи, и сте максимално посветени, успехот е неизбежен. Таква е приказната и со Македонската компанија за постелнина, перници, јоргани и душеци „НЕТАМ“ ДОО Скопје, која и во услови на светска здравствена криза и економска рецесија успева во овој период да оствари пласман на своите производи на конкурентните европски пазари.

Имено, остварен е извоз на македонски душеци и наддушеци со компанија која го снабдува Скандинавскиот пазар и Бенелукс земјите, а во план е реализација на извоз и на други производи од асортиманот на Нетам Доо Скопје. Станува збор за душеци и наддушеци со одличен квалитет потврден со повеќе сертификати,  произведени по највисоки стандарди, со нова технологија, што ги прави прифатливи поради својата цена и квалитет.

Ова е само потврда дека имаме одличен квалитет. Нашите производи ги создаваме со многу внимание и грижа. Максимално сме посветени во секоја фаза од процесот на производство, од избор на материјали, прецизна изведба, безбедно производство, контрола во повеќе фази, за да на крај имаме квалитетен производ, кој ќе биде посакуван од потрошувачите. Дефинитивно работиме на создавање на производи кои пред се ќе бидат одлични за македонскиот пазар, а потоа и за сите останати, вели еден од сопствениците.

Луѓето 1/3 од својот живот го поминуваат во кревет, и токму затоа не е сеедно на каков душек или перница спиете. Перниците на Нетам се полнети со силиконски топчиња, има патент и се со прилагодлива висина, соодветни за сите луѓе без оглед на положбата во која спијат.

Компанијата „НЕТАМ“ ДОО е дел од тесктилната индустрија во Република Северна Македонија веќе дваесет и две години, и се занимава со производство и пласман на текстилни производи, неткаен текстил, постелнина, перници, јоргани и душеци. Салонот на Нетам во Скопје се наоѓа во близина на Соборниот Храм во Скопје, а производните капацитети се во село Марино, општина Илинден.

Разбудете се одморени и со позитивна енергија!