Кочо Анѓушев најави тужба за ИРЛ и Сашка Цветковска, таа му одговори на Твитер

По повод истржувањето на ИРЛ – Заговор против воздухот, правниот тим на генералниот директор на “Брако” Велес, Кочо Анѓушев, објави демант за репортажата која крена многу прашина, но најави и тужба за ИРЛ и новинарката Сашка Цветковска.

Проф. д-р Кочо Анѓушев, преку соопштение за медиумите како тенденциозни и невистинити ги отфрли наводите изнесени во емисијата „Редакција – Заговор против воздухот, Епизода 1, ИРЛ“, емитувана на МРТВ.

Демантот ви го пренесуваме во целост:

Генералниот директор на „Брако“ Велес, проф. д-р Кочо Анѓушев, како тенденциозни и невистинити ги отфрла наводите изнесени во емисијата „Редакција – Заговор против воздухот, Епизода 1, ИРЛ“, емитувана на МРТВ Програма 1, на 16.05.2021 година. Правниот тим на „Брако“ најавува тужба кон Здружението на граѓани Истражувачка репортерска лабораторија – ИРЛ Скопје, под уредништво на Сашка Цветковска и категорично демантира дека на каков било начин е одговорен или поврзан со увоз или користење на токсични масла.

Ниту г. Кочо Анѓушев ниту „Брако“ Велес се поврзани со увоз на некакви токсични масла или мазут ниту, пак, „Брако“ Велес е голем потрошувач на мазут во Македонија. Вистината е дека „Брако“ Велес никогаш не увезол мазут, а минималните количини што ги троши за работа на погонот за цинкарата се набавуваат на пазарот во Македонија од увозници кои се занимаваат со таа дејност. Како илустрација на тоа дека „Брако“ учествува во потрошувачката на мазут во државата со промили, треба да се знае податокот дека „Брако“ Велес годишно троши околу 100 тони мазут, а вкупната годишна потрошувачка на мазут во РС Македонија, како што е наведено и во емисијата, е околу 30.000 тони. Впрочем и од вкупните годишни набавки на мазут кои се одвиваат преку секторот за набавки на Брако, само 15% од потребите се од добавувачот наведен во емисијата Евротим. А според Правилникот за течни горива, надлежен за контрола на составот и квалитетот на увезениот мазут во РС Македонија е Пазарниот инспекторат, што значи дека, штом предметниот мазут бил дозволен и пуштен во промет од надлежни органи, „Брако“ нема сопствена лабораторија за да го проверува квалитетот.

Впрочем со завршувањето на новата инвестиција во погонот за поцинкување во „Брако“, од следниот месец ќе биде комплетно изфрлен мазутот како енергенс.

Новинарката Сашка Цветковска ова сето можеше да го дознае и да го изнесе во емисијата доколку имаше желба. Контактот со неа беше веднаш воспоставен по телефонскиот повик кој беше емитуван во емисијата, но и по 3 месеци од поканата да дојде во просториите на Брако и да се информира или да сними изјава од официјален претставник, таа не најде за потребно да сними или да испрати прашање, но напротив си даде за право да прави крајно непрофесионални и тенденцизни шпекулации, и со тоа да ѝ нанесува штета на една од поуспешните македонски компании.

Што се однесува до наводната конспиративна средба во Владата на РСМ, Кочо Анѓушев изјавува дека навистина е остварена средба со г. Изудин Ахметовиќ, но и според официјалните документи достапни во архивата на Владата, на таа средба г. Ахметовиќ доаѓа као претставник на коморското здружение „Бизнис центар“ Тешањ – Јелавиќ од БиХ. На средбата е дискутирано исклучиво за поканата кон македонската влада за учество на саем и бизнис-форум и во ниту еден момент на таа средба не е спомнат мазут или која било друга тема. Во времето додека беше потпретседател на Владата за економски прашања, г. Кочо Анѓушев има остварено преку 4.000 официјални средби.

Истовремено, би сакале да ја истакнеме нашата почит кон слободата на изразување, како темел на демократското општество, меѓутоа слободата не подразбира непрофесионалност и клевета.

Со почит,

Сектор за комуникации на Брако

На овој демант и заканата за тужба реагираше и новинарката Сашка Цветковска на Твитер:

“Господинот Кочо Анѓушев најави тужба за мене и ИРЛ по повод првата епизода на #редакција, но истакна дека ја почитува слободата на изразување. Подготвени сме за сите предизвици. Срдечно, тимот на @IrlMacedonia”https://platform.twitter.com/embed/Tweet.html?dnt=false&embedId=twitter-widget-0&features=eyJ0ZndfZXhwZXJpbWVudHNfY29va2llX2V4cGlyYXRpb24iOnsiYnVja2V0IjoxMjA5NjAwLCJ2ZXJzaW9uIjpudWxsfSwidGZ3X2hvcml6b25fdHdlZXRfZW1iZWRfOTU1NSI6eyJidWNrZXQiOiJodGUiLCJ2ZXJzaW9uIjpudWxsfSwidGZ3X3R3ZWV0X2VtYmVkX2NsaWNrYWJpbGl0eV8xMjEwMiI6eyJidWNrZXQiOiJjb250cm9sIiwidmVyc2lvbiI6bnVsbH19&frame=false&hideCard=false&hideThread=false&id=1394661377445400579&lang=en&origin=https%3A%2F%2Ftocka.com.mk%2Fadmin%2Fnews%2F377193%2Fedit&sessionId=e43e11c2abad0fa4f8abfd5acc29c2fb930b372e&theme=light&widgetsVersion=82e1070%3A1619632193066&width=550px