Моќниот бел трн е природно чудо за здравјето
Silybum marianum L., познат и како бел трн, се користи илјадници години поради неговите лековити својства. Растението потекнува од медитеранскиот регион и се одгледува и за медицински и за кулинарски цели.
Белиот трн е најпознат по неговата употреба во лекување на заболувања на црниот дроб. Активното соединение во белиот (млечниот) трн е силимарин, за кој се покажа дека има силно хепатопротективно дејство. Малкумина знаат дека всушност силимаринот како активно соединение не го има во целото растение туку само во семето. Поради тоа само семето наоѓа терапевска примена при различни заболувања и состојби на организмот.
Белиот трн не е корисен само за здравјето на црниот дроб. Студиите исто така покажаа дека силимаринот има антиинфламаторни својства, што го прави корисен за лекување на состојби како што се артритис и астма. Исто така, се покажа дека има антиоксидантни ефекти, заштитувајќи го телото од штетните ефекти на слободните радикали. Значи растението има 3 вида на најизразено дејство:
- Регенерација на црниот дроб
- Антиинфламаторно дејство
- Детоксификација на организмот
Друга потенцијална употреба на белиот трн е во лекувањето на дијабетес. Одредени истражувања покажуваат дека силимаринот може да ја подобри отпорноста на инсулин, да го намали воспалението и да го намали нивото на шеќер во крвта кај луѓето со дијабетес тип 2.
100% органско семе од бел трн произвeдува македонскaта компанија Хемера, на еколошки чисти подрачја и по принципот „од нива до трпеза“. Произведува 100% природен производ, без додатоци, бои, ароми и конзерванси.
“Една од карактеристиките на белиот трн е големата апсорптивна моќ и затоа е важно да порасне во природна и чиста средина, бидејќи ако расте и се собира покрај улици, патишта во него ќе содржи многу токсини и тешки метали. Дневните дози се обично по пет до шест грама на ден за орална употреба. Малкумина знаат дека белиот трн има протективно дејство што не е само на црниот дроб, туку и заштита против појава на дијабет и општо за благосостојба на целиот организам. Исто така докажано е дека има позитивно дејство како дополнителна терапија при тумори и примање хемотерапија како и при бенигни заболувања на простата. Огромен бенефит од користење на белиот трн како секојдневен додаток на исхраната имаат и луѓето што се борат со подуеност и кожни заболувања.” Изјави Проф. Д-р Ѓоше Стефков од фармацевтскиот факултет при Универзитетот Св. Кирил и Методиј од Скопје
Генерално, белиот трн е разновидна и корисна билка со долга историја на употреба во древната медицина. Еден куриозитет е и митот за белиот трн, приказната дека кога Римјаните дошле да ги убијат сите машки бебиња по раѓањето на Исус, Богородица со бебето се скрила и била заштитена од растението бел трн, оттука и спиритуалното значење дека има заштитнички својства.
Иако се потребни повеќе истражувања за целосно да се разберат неговите потенцијални придобивки, јасно е дека силимаринот има потенцијал да биде вредна состојка за лекување на различни здравствени состојби.
