Невреме во Европа и на Балканот
Невреме какво не се памети во последниве 40 години ја зафати Србија. Ветрот и дождот направија хаос во Војводина, а во попладневните часови и во Белград. Соборени дрва, изместени семафори и паднати бандери – ова е сликакоја зад себе ја остави орканскиот ветар.
Силно невреме ја зафати и централна Европа, има и неколку жртви.
Ветрот предизвикал прекин во сообраќајот на неколку железнички линии и патишта во Чешка и во Полска.
Во Австрија поради големото невреме е откажана трката во слалом во рамки на машкиот Светски куп, додека во Германија се поплавени делови на Хамбург.
Германската железница е во прекин во градовите: Бремен, Хамбург, Берлин, Дрезден и Лајпциг.
Поради невремето, властите на Берлин утрово прогласија вонредна состојба во градот поради ударот на бурата Херварт.
