Искра Ветаџокоска Муцунска-Виталиа денес е глобален бренд препознатлив по својот квалитет

 

Ако сакате да успеете во овој бизнис, или било кој друг, кој е полн со предизвици и тешкотии, морате да верувате во себе. Да сте фокусирани и трпеливи, бидејќи добрите работи не се случуваат преку ноќ. Ние жените по при­рода сме трпеливи, разумни, истрајни и интуитивни. И кога згора на тоа ќе се до­даде женската упорност и способност за мултитаскинг успехот е неминовен“.

 

Оваа година, компанијата слави четвртина век постоење на пазарот, а чув­ството кога ќе погледне наназад, Искра го опишува како навистина позитивно: „Не е мала работа една компанија да опстои на пазарот цели 25 години, а притоа таа континуирано да расте, да создава до­полнителна вредност, да гради позитивен имиџ. Чувството да се биде дел од една успешна деловна приказна е навистина позитивно. Виталиа денес е глобален бренд, кој е препознатлив во регионов, кој сигурно се пробива и на светските па­зари. Тоа е нешто поради што сум посебно горда, на себе, на својот тим, бидејќи навистина напорно работевме на оства­рување на нашата визија. Денес, кога ќе го видам нашиот продукт на полиците во маркетите, а згора на тоа и ќе слушнам пофалба од некој задоволен клиент, кога се почесто добиваме нарачки и понуди за соработка од реномирани интернацио­нални компании, едноставно не можам а да не бидам задоволна. Ме радува успехот на секој наш производ, затоа што знам колку трудољубиво е создаден.

 

Оваа 2018 година славиме јубилејно 25 годишно производство во погоните на Виталиа, кое ќе го одбележиме со низа настани и активности, во кои ќе бидат вклучени нашите вработени и секако пот­рошувачите“.

Виталиа е компанија со висока репута­ција во областа на здравата храна, која долги години ниже успеси во Македонија и стратешки расте. Секој нов чекор е исполнет со предизвици: „Потребата од едукација и подигнување на свеста за здрава храна е нешто со што се соочивме од самиот почеток до денес. Изминативе 25 години инвестиравме во систематска едукација за потребата од здраво исхра­нување. Сметаме дека денес македонски­от потрошувач размислува во позитивна насока за своето здравје и внимава на начинот на исхрана, ставајќи ја Виталиа во својата кошница како прв избор. Ние, нашата репутација трпеливо и долгорочно ја градевме, со повисока цел да создаде­ме и оставиме нешто вредно за идните генерации.

Мислам дека воспоставивме однос на доверба со нашите потрошувачи, креи­равме производи според нивните потреби и ја оправдавме нивната лојалност. Тие ги следат новостите во нашето производ­ство, се интересираат за технолошките новитети во прехранбената индустрија и знаат да го направат вистинскиот избор за своето здравје.

Тука нема да застанеме. Виталиа е македонска производна ком­панија за здрава храна која континуирано ги следи истражувањата и трендовите во прехранбената индустрија и која е при­сутна на сите поголеми интернационални саеми за храна. Во таа насока ќе про­должиме да создаваме производи кои ги задоволуваат специфичните потреби на потрошувачите,“ објаснува Ветаџокоска Муцунска.

Еден од таквите предизвици е пласма­нот на производите на Виталиа во кне­жевството Монако. „Иако станува збор за една од најмалите и најмалку брoјните држави во Европа, Монако е значајна дес­тинација за нас токму поради структурата на луѓето кои таму живеат. Тоа се луѓе дојдени од цел свет поради удобностите кои ги овозможува ова место, со дефини­ран животен стил, кои се грижат за својот изглед и здравје. Станува збор за мал, но селектиран пазар, каде тешко се влегува, и каде постојат високи стандарди за ква­литет и безбедност на производите кои се нудат. Токму затоа извозот во Монако е вистинска потврда за подготвеноста на Виталиа да креира здрави производи од премиум сегмент наменети и за најселек­тивните клиенти. Виталиа се извезува во повеќе од 55 земји, на 5 континенти и тоа Европската Унија, Америка, Австралија, Јапонија, Блискиот исток, Русија, Индија, Либан, ОАЕ, Казахстан, Бразил…

Од досегашното работење на Виталиа, целта на компанијата не е само да прода­ва и да биде достапна на пазарот, туку и да образува. „Едукацијата на тема храна и здравје е неисцрпна, никогаш не прес­танува, а најважно е да почне од најрана возраст. Нашата едукативна мисија е постојан процес од кој не отстапуваме, за некои работи и самите сѐ уште откриваме, ги следиме светските трендови, како и реакциите и потребите на потрошувачите. Нашите производи се за сите генерации, за различни категории на луѓе, за луѓе кои сакаат да одржуваат здрав живот, за луѓе со одредени здравствени потешко­тии, па токму поради тоа едукацијата е важна и треба постојано да ја има. За таа цел нашите нутриционисти се достапни, за прашања и консултации 24/7.

 

За наши­те потрошувачи креиравме посебно катче во Виталиа, за пријатно дружење, разго­вор и советување на тема здрава исхрана и нутриционизам. Виталиа е отворена транспарентна компанија која се грижи за своите потрошувачи и не ни е сеедно как­ва е нивната перцепција за нас“.

За да ја приближат компанијата поблиску до потрошувачите и да ги задоволат нив­ните потреби, Искра вели дека користат промотивни стратегии прилагодени на но­вите медиумски трендови, како и на пот­ребите на потрошувачите. „Постојано сме активни на социјалните мрежи (Facebooк, Instagram, Twitter, Linkedin..) каде покрај промоцијата на самите производи, осо­бено сме фокусирани на едукација на фа­новите. Нашиот стручен тим внимателно ги следи нивните прашања и сугестии, и одговара соодветно и детално. Покрај тоа нашиот нутриционистички тим редов­но креира едукативни текстови со цел доближување на здравите навики.

Во фаза сме на изработка на нашата нова веб страна, која ќе ги интегрира новите­тите на дигиталната комуникација и ќе претставува one stop shop за вљубеници­те во здравата исхрана и здравиот живо­тен стил. Дигиталните активности зазема­ат посебно место во нашите интегрирани маркетинг активности, но не ги изоставу­ваме, магазините, летоците, учеството на настани и други маркетинг алатки.

Нашата е-продавница е креирана да им служи како брза и лесна алтерна­тива за пазарување на потрошувачите. Македонскиот online shopper ќе ги иско­ристи предностите на е -комерцот и ќе се вклучи кон светскиот растечки тренд во овој сегмент. Виталиа е семеен бизнис кој благодарение на истрајноста, напорната работа и добрата организација, постојано ниже успеси. „Успехот е комплексно пра­шање. Успехот е резултат на личното за­доволство и среќа по завршените работи, во компанијата, во семејството, во релаци­ите со блиските и пријателите. Семејство­то е храм од каде црпам енергија и сила за совладување на сите предизвици. За­тоа сметам дека е важен балансот помеѓу семејството и обврските, вниманието и продуктивноста кои работата ги наложу­ва. Не можеш да си успешен во работата, ако не си добар и на останатите полиња кои ти се важни,“ вели Искра.

Translate »