Предупредување – Петардите се опасни и за луѓето и за животните!
Фрлањето петарди стана синоним за празниците. Но дали знаете дека со секое фрлање ризикувате да се стекнете со повреди на рацете, лицето и очите. Ако сакате да завршите на ургентен и да се влечкате по болнички ходници, само повелете. Да потсетиме дека користењето и купувањето пиротехнички материјали е казниво со закон.
Од МВР посочуваат:
Законот за прекршоци против јавниот ред и мир на лице кои неовластено пука од огнено оружје, употребува пиротехнички средства или сличен експлозивен или лесно запалив материјал, или на сличен начин го нарушува мирот и безбедноста на граѓаните ќе му биде изречена глоба во износ од 200 до 500 евра во денарска противвредност.
Факт е дека фрлањето петарди може да биде опасно за вас, но дали знаете дека е опасно и за животните. Еве еден интересен податок, 5 000 домашни миленичиња умираат од срцев удар, предизвикан од силниот звук на петардите. Кога фрлате петарда, само помислете колку куќиња и мачиња во страв се кријат под креветот, чекајќи да заврши гласната тортура.
Силниот звук воопто не е пријатен и за оние кои се слаби со нервите и имаат болно срце. Повозрасните граѓани тоа најдобро го знаат. Затоа полека со пиротехниката, з а ваше, но и за општо добро.

