Колач со ореви и кокос
Направете здрав домашен колач кој можат да го јадат и дијабетичари.
Навистина е вкусен и лесен за подготовка, а ова е рецептот:
СОСТОЈКИ:
- 1 шолја овесни снегулки (мелени)
- 1 шолја р’жано брашно
- 1 шолја кисело млеко
- 1 шолја мелени ореви
- 100 гр кокос
- 1 лажица овошен шеќер
- 1 шолја мелени бадеми
- 4 лажици маслиново масло
- 2 јајца
НАЧИН НА ПОДГОТОВКА:
- Во длабок сад ставете ги сомелените овесни снегулки со брашното и мелените ореви и бадеми.
- Направете дупка на средина и внатре ставете ги изматените јајца со овошниот шеќер, киселото млеко, кокосот и маслиновото масло.
- Сè измешајте, а ако смесата случајно ви е многу густа, може да додадете малку вода.
- Се става смесата во плех со брашно, па се пече во загреана рерна на 180 степени додека да порумени.
- Одозгора можете да посипете со шеќер во прав. Овој чекор не важи и не се препорачува за дијабетичарите.
