Нотарката Ваневска кандидатка за јавен обвинител

„Политиката и политичарите треба да ги тргнат своите раце од третата власт, а тука спаѓа и јавното обвинителство и судовите. Доколку се остават професионалците да го работат она што треба да го работат, значи да го гонат криминалот, да го процесуираат и да го казнуваат, и ако нема мешање од страна на политичарите, во тој случај сметам дека нема да има никаков проблем да се спроведува правдата“,  изјави нотарката Лорија Ваневска во интервју за ТВ 21 . Таа ја најави својата кандидатура за нов државен јавен обвинител.Според неа по 16 мажи обвинители редно е на тоа место да застане жена.  Во трката за наследник на Марко Зврлевски најавија кандидатури неколку познати адвокати.

Ваневска засега е единствената жена. Смета дека обвинителството располага со квалитетен кадар кој треба да се остави да работи без политички притисоци.

 

Ваневска е позната по тоа што го водеше случајот ,,Фиком ,,со измамата која се случи со продажбата на становите на компанијата  ,,Фиком, кога еден стан беше продаван на неколку лица, а и самата  Ваневскакоја тогаш работеше како адвокатка беше од оштетените граѓани.

Translate »