Црна Гора ја разгледува можноста да постави ограда долж границата со Албанија со цел да ја запре илегалната миграција, изјави Војислав Драговиќ, началник на службата за обезбедување на црногорската државна граница.

Во текот на последните години Црна Гора се соочува со значително зголемување на бројот имигранти коишто ја минуваат земјата за да стигнат до побогатите земји на Европската унија.

Илјадници мигранти од Африка и Блискиот исток во текот на годината се обидуваат да стигнат до централна Европа, користејќи ја новата балканска рута, која минува низ Грција, Албанија, Црна Гора и Босна и Херцеговина, до членката на ЕУ – Хрватска.

„Во случај на поголем миграциски бран, може да направиме ограда од бодликава жица на границата со Албанија“, вели Драговиќ.

Додава дека албанските власти постојано одбиваа да ги примат мигрантите вратени од Црна Гора и покрај постојниот билатерален договор за реадмисија.

Црна Гора може да подигне ограда долж границата со Албанија