Видео: Пожарникар во лет спаси маж што се фрли од четврти кат
На Фејсбук е објавено драматично видео од спасувачка акција во Летонија. Тамошните пожарникари и надлежните служби добиле повик за спасување маж, кој се подготвувал да скокне од прозор на четврти кат.
Тие знаеле дека ако влезат во станот, само ќе го убрзаат самоубиецот да го почне очајничкиот потег. Наместо тоа, влегле во станот еден кат подолу. Еден од пожарникарите излегол на прозорот и направил нешто невозможно, во лет го фатил човекот кој паѓал од катотот над пожарникарот, по што со помош на колегата го внеле внатре во станот.
Министерството за внатрешни работи најавило дека ќе ги награди пожарникарите кои извеле храбра акција за спасување човечки живот.
