Тренерот им помогна на децата да преживеат
Веќе неколку недели вниманието на светот беше свртено кон 12-те момчиња и нивниот тренер, кои беа заглавени во пештера во Тајланд.

Конечно, мисијата за спасивање заврши успешно и сите 12 фудбалери и тренерот се извадени живи од пештерата.
За цело време додека беа заробени, многумина го осудуваа тренерот и го обвинуваа што ги однел таму, додека пак многу од родителите велеа дека да не бил тој, децата немало да преживеат.
„Тој ги сака момчињата повеќе од сè. Тој не пие, не пуши. Добра личност е која се грижи за себе и ги учи децата на истото.“ – изјавил долгогодишен пријател на тренерот.
Екапол исто така се грижел за момчињата и секогаш ги носел до дома кога нивните родители не можеле да ги земат, бидејќи му биле како семејство, велат изворите.
Па, кој е всушност тренерот на овие деца и каква е неговата улога во преживувањето на децата?
– Неговото име е Екапол Чантавонг, има 25 години и е тренер на фудбалскиот тим Moo Pa.

– Екапол е сирак кој го изгубил семејството на 10 години заради болест која се проширила низ нивното село во Тајланд.
– На 12 години тој бил испратен во манастир и се велело дека бил тажен и осамен, а потоа учел за да стане монах.

– За кратко, го напуштил манастирот за да се грижи за неговата баба.

– Тогаш почнал да тренира млади фудбалери, од кои повеќето пораснале сиромашно и во лошо етничко опкружување.

– Додека биле во пештерата, иако бил најслаб од групата, тој им ги давал на момчињата своите ограничени количини на вода и храна.
– Тренерот ги научил момчињата како да медитираат и како да задржат што е можно повеќе енергија додека не ги најдат.

– Вирално се прошири и илустрација која ги прикажува тренерот и 12-те момчиња како медитираат.

– Ги научил и како да пијат вода од ѕидовите на пештерата.
– Во пораката која ја напиша и испрати до родителите и останатите ветува дека ќе се грижи најдобро за децата, се заблагодарува за поддршката и се извинува.

– Иако беше обвинуван, сепак многу родители и луѓе низ светот му се благодарни што успеал да ги охрабрува момчињата да го издржат тој период.
– Ситуацијата заврши со среќен крај, но никогаш не треба да заборавиме на спасувачот кој го изгуби животот во обид да ги спаси нив.
– Саман Кунан, за неговото семејство и за целиот свет ќе остане запомнет како херој.


