Ристовска: Ќе докажеме дека Мијалков бил организатор на масовното прислушкување
Случајот за масовното нелегално прислушување “Таргет и Тврдина” ќе ја испише новата историја, ќе го обележи времето и ќе остави силна порака за идните генерации, рече во својот воведен збор обвинителката Ленче Ристовска. Според неа идеотворецот на масовното прислушување е тогашниот директор Сашо Мијалков, кој се водел од политички и бизнис интереси.
Таа појасни дека на ова злосторничко здружување се приклучиле и обвинетите Владимир Варелов, Васил Исаковски, Маријан Шумоликовски и тројца сведоци, меѓу кои и Звонко Костовски, при што секој имал своја задача.
-Обвинетиот Мијалков како директор на УБК бил организатор на групата и ги држел под контрола и надзор сите учесници, а воедно и самиот незаконски ги следел комуникациите на дел од граѓаните, а имал и преглед на сите броеви кои биле следени. Грујевски како негов најблизок соработник ги проследил барањата и намерите на Мијалков до Николиќ, која ги распоредувала улогите на другите учесници. Таа давала и задачи кои телефонски броеви треба да бидат таргетирани и транскрибирани.
Обвинителката речи и дека Звонко Костовски, кој заедно со Ѓоко Лазаревски ја открија аферата, и самиот учествувач во прислушувањето.
-Звонко Костовски бил задолжен за техничката поддршка на незаконското следење на комуникациите, изработувал профили и лозинки на корисниците, а воедно на секој создавач му овозможил пристап до системот за следење на комуникациите. На Мијалков и Грујевски ваков пристап им овозможил и во нивните канцеларии, односно имале пристап до разговорите од своите канцеларии, појасни Ристовска.
Таа рече дека во случајот на масовното нелегално прислушување СЈО ќе предложи да сведочат 100 сведоци, а има 300 оштетени.
